Almatyda júrgizýshi kýáligi joq azamat polıtsııa qyzmetkerlerinen qashpaq boldy
ALMATY. QazAqparat – Almatyda júrgizýshi kýáligi joq azamat polıtseılerden qashyp qutylmaq boldy, dep habarlaıdy QazAqparat.
Instagram jelisinde polıtsııa qyzmetkerleriniń atalmysh kólikti qalaı qýyp, jetip ustaǵan vıdeosy jarııalandy. Onda óte úlken jyldamdyqpen ketip bara jatqan kóliktiń sońyna úsh polıtsııa kóligi túskeni beınelengen.
Qalalyq Polıtsııa departamentiniń ókilderi atalmysh oqıǵanyń shyǵys aınalmaly avtomobıl jolynyń boıynda bolǵandyǵyn aıtty.
«Júrgizýshi polıtsııa qyzmetkerleriniń kólikti toqtatý jónindegi eskertýin elemeı, kerisinshe, jyldamdyqty qosa túsken. Osyǵan baılanystyń onyń sońyna birneshe polıtsııa kóligi túsip, kólikti qorshaýǵa alyp, onyń odan ári qozǵalysyna jol bermedi. Júrgizýshi qolǵa túsken soń oǵan qatysty ákimshilik sharalar qoldanylyp, 5 hattama toltyryldy. Onyń ishinde kólikti júrgizýshi kýáligi joq azamatqa berý faktisi bar. Budan soń, júrgizýshi polıtsııanyń eskertýinen soń biren toqtaýy qajet bolatyn. Onyń memlekettik nómiri talapqa saı emes bolyp shyqty. Sonymen qatar zań buzýshy arnaıy belgi bermeı, ıaǵnı qaýipsizdikti saqtamastan manevr jasady, jol belgilerine qatysty talaptardy da oryndamaǵan»,-dedi Almaty qalalyq Polıtsııa departamentiniń baspasóz qyzmeti.
