Almatyda júrgizýshi 10 jastaǵy balany qaǵyp ketti
ALMATY. QazAqparat - Almatyda júrgizýshi 10 jastaǵy balany qaǵyp ketip, oqıǵa ornynan izin sýytqan, dep habarlaıdy QazAqparat tilshisi.
Bala túrli dene jaraqatymen aýrýhanaǵa jetkizildi.
Oqys oqıǵa Pıatıletka shaǵyn aýdanynda Klara Tsetkın kóshesinde bolǵan.
«Bala túngi 22:47-de balalarǵa shuǵyl medıtsınalyq kómek kórsetý aýrýhanasyna jetkizildi. Ony mýltıdıstsıplınarlyq brıgada qarap shyqty. Basyn rentgenge túsirdi. Nátıjesinde bas súıegi din aman ekeni anyqtaldy. Neırohırýrgııalyq jáne travmatologııalyq jaraqat joq bolyp shyqty. Jumsaq tinderi janshylǵan, oń jaq shyntaǵy súrilgen», - dedi qalalyq Qoǵamdyq densaýlyq basqarmasynyń baspasóz qyzmetinen.
Medıtsına mamandarynyń aıtýynsha, bala qazir ambýlatorııalyq emdeýge jiberildi. Júrgizýshi balany oqıǵa ornynda qaldyryp ózi qashyp ketken.
Oqıǵa ornynda polıtsııa qyzmetkerleri jumys istep jatyr.
