Almatyda júrginshini qaǵyp óltirgen kólik júrgizýshi qashyp ketken
ALMATY. QazAqparat - Almatyda sheteldik kólik jaıaý júrginshini qaǵyp ketip, oqıǵa ornynda toqtamastan izin sýytqan, dep habarlaıdy «QazAqparat» HAA tilshisi.
Jaıaý júrginshini avtokólik Raıymbek dańǵylynan joǵary qaraı Altyn orda kóshesiniń boıynda tańy saǵat tórtterde qaǵyp ketken. 35-40 jas shamasyndaǵy áıel adam aýyr jaraqattan oqıǵa ornynda qaza tapty. Kýágerler avtomobıldiń ashyq tústi ekenin ǵana baıqap úlgergen.
Jol apaty bolǵan jerge jol patrýldik polıtsııasy kelip jetti. Olar júrgizýshini izdep jatyr. 
