Almatyda júrginshilerdiń ústine manıpýlıator qulap ketti
ALMATY. QazAqparat - Almatyda ústine manıpýlıator qulap ketken úsh áıel aýrýhanaǵa jatqyzyldy, dep habarlaıdy QazAqparat tilshisi.
Oqys oqıǵa 14 mamyr kúni «Áıgerim» shaǵyn aýdanynda bolǵan.
Manıpýlıator krannyń tireýi qulap ketip, aýyr tehnıka kóshede ketip bara jatqan úsh áıeldi basyp qalǵan. Úsh áıel de jansaqtaý bóliminde jatyr.
«Arnaıy sot-medıtsınalyq saraptama taǵaıyndaldy. Osy saraptamanyń nátıjesi boıynsha quqyqtyq baǵa beriledi», - dedi qalalyq polıtsııa departamentiniń resmı ókili.
