Almatyda júrgen sheteldikter 100-den astam qylmys jasaǵan
ALMATY. QazAqparat –Almatyda sheteldikter 100-den astam qylmys jasaǵan. Bul týraly qalalyq Polıtsııa departamentiniń basshysy Qanat Taımerdenov brıfıng barysynda aıtty, dep habarlaıdy QazAqparat tilshisi.
«Ákimshilik tártippen 166 sheteldik azamat elden shyǵaryldy. Sonymen qatar, 57 jumys berýshi ákimshilik jaýapkershilikke tartyldy. 47 mıllıonnan astam aıyppul salyndy. Tórt aı ishinde sheteldikter jasaǵan 117 qylmys tirkeldi. Qylmystyń eń kóbin Ózbekstan Respýblıkasynyń azamattary jasaǵan», – dedi Qanat Taımerdenov.
Buǵan deıin, departament basshysy Almatyda turǵyn úı aýlalaryndaǵy tártipti qaladaǵy patrýl qyzmetkerleriniń teń jartysy qadaǵalaıtynyn aıtqan bolatyn.
Sondaı-aq jyl sońyna deıin megopolıste «Sergek» beınebaqylaý kameralarynyń taǵy 380-i ornatylatyny habarlandy.
