Almatyda jumysyn bastaıtyn kásiporyndarǵa qoıylatyn talap kúsheıtildi
ALMATY. QazAqparat – Karantın kezinde kásiporyndar bekitilgen qaýlyǵa sákes jumys isteıdi. Bul týraly Almaty qalasy Taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Natalıa Dıagıleva brıfıng barysynda aıtty.
«Departament karantın kezinde jumys isteıtin mekemelerde sanıtarııalyq normalardyń saqtalýy jóninde arnaıy qaýly qabyldady. Osyǵan oraı Almaty ákimdiginde jumys toby quryldy. Aldymen arnaıy jumys toby jumys isteýge ótinish bergen mekemeniń daıyndyǵyn tekseredi. Tek sodan keıin ǵana ruqsat beriledi. Monıtorıng toby olardyń keıingi jumys barysyn da baqylap otyrady, – deıdi Natalıa Dıagıleva.
Sonymen qatar, ol osy qaýlyǵa sáıkes karantın kezinde jumys isteıtin mekemelerge qoıylatyn talaptar da kúsheıtilgenin aıtty.
«Kásiporyn jumysshylardy kirgizbes buryn tekserip, dene temperatýralaryn ólsheıdi. Onyń barlyǵyn arnaıy jýrnalǵa tirkep otyrady. Eger qyzmetkerlerden jótel, temperatýra, entigý sııaqty JRVI men tumaýdyń belgileri baıqalsa, olar jumysqa da, úılerine de jiberilmeıdi. Birden jedel járdem shaqyrylady, – dedi Dıagıleva.
Eske salaıyq, 20 sáýirden bastap Almatyda birqatar kásiporyndar jumystaryn bastaıdy.
