Almatyda jumysy kúsheıtilgen HQO-nyń mekenjaıy aýysty

ALMATY. QazAqparat - Almatyda shetel azamattarynyń jappaı kelý legin eskere otyryp, kúsheıtilgen HQO qyzmetin basqa ǵımaratqa kóshirý jóninde sheshim qabyldandy. Bul týraly «Azamattarǵa arnalǵan úkimet» memlekettik korporatsııasy» KE AQ Almaty qalasy fılıaly málim etti, dep habarlaıdy QazAqparat tilshisi.

«Endi shetelden kelgen qyzmet alýshylar «Qazaqstan Respýblıkasynda ýaqytsha bolatyn sheteldikterge jeke sáıkestendirý nómirlerin qalyptastyrý» memlekettik qyzmeti boıynsha Almaty qalasy Jetisý aýdany «Qulager» shaǵynaýdany Qazybaev kóshesi, 286V, «Qulager» deneshynyqtyrý-saýyqtyrý ortalyǵy ǵımaratyna kelýge bolady«, - delingen habarlamada.

Ótinishter jumys kúnderi saǵat 09:00-den 20:00-ge deıin qabyldanady.

Eske salsaq, Almaty qalasyna kelip jatqan sheteldik azamattardyń memlekettik qyzmet alý suranysyna oraı, kúsheıtilgen qyzmet kórsetý ortalyǵy uıymdastyrylǵan bolatyn.