Almatyda jumyssyz adamdar arasynda vırýs juqtyrý artqan
ALMATY. QazAqparat – Almatyda jumyssyz adamdar arasynda vırýs juqtyrý artqan. Bul týraly Almaty qalasy sanıtarlyq-epıdemıologııalyq baqylaý departamentinen málim etti, dep habarlaıdy QazAqparat tilshisi.
Departament taratqan málimetke sáıkes, jyl basynan beri qalada vırýs juqtyrýdyń 27 730 jaǵdaıy tirkelgen. Bul 100 myń turǵynǵa shaqqanda 1 362,9 kórsetkish. Sońǵy táýlikte 665 adam koronavırýs juqtyrdy. Táýliktegi ósim 1,4.
Medıtsınalyq baqylaýda KVI-diń belsendi 4 375 oshaǵy, sondaı-aq 7 006 turǵylyqty jeri boıynsha jaqyn baılanysta bolǵan jáne jumys orny boıynsha 394 jaqyn baılanysta bolǵan adam bar.
1 jasqa deıingi balalar arasynda syrqattanýshylyq 0,5%-ǵa, ıaǵnı 1,3-ten 1,8%-ǵa deıin artty.
«Al 14 jasqa deıingi balalar arasynda vırýs juqtyrý 9,1-den 10,1%-ǵa deıin, jasóspirimder arasynda 3,0-den 3,3%-ǵa deıin artty. Sondaı-aq 60 jastan asqan azamattar arasynda vırýs juqtyrý 23,7%-dan 24,3%-ǵa deıin ulǵaıdy», - dep habarlady departamentten.
Sondaı-aq departament sońǵy kúnderi jumyssyz júrgen azamattar arasynda vırýs juqtyrý jaǵdaıy artqanyn málimdedi.
«Sońǵy 14 kúnde koronavırýs ınfektsııasynyń eń kóp tirkelgeni jumys istemeıtin turǵyndar arasynda - 35%-ǵa jetti, túrli JShS, JK, AQ qyzmetkerleri – 23%, zeınetkerler arasynda – 17%, oqýshylar arasynda – 6,2% jáne mektep jasyna deıingi balalar arasynda - 4%-ǵa artty. Halyqtyń qalǵan sanattary arasyndaǵy jaǵdaıdyń 0,3-ten 2%-ǵa deıin tirkeldi», - delingen habarlamada.
