Almatyda jumysshylar men jumys berýshiler arasynda 2153 ujymdyq kelisim tirkeldi
Bul jaıly keshe Almatyda ótken «Álemdik qarjylyq daǵdarys jaǵdaıyndaǵy Úkimet, Kásipodaq federatsııasy jáne Ónerkásipshiler men kásipkerler odaǵynyń arasyndaǵy Úshjaqty kelisim. Jumys ornyn saqtap qalý memorandýmyn júzege asyrýdy baǵalaý» dep atalatyn respýblıkalyq konferentsııada aıtyldy, dep habarlaıdy QazAqparat.
«Almatyda qazirgi tańda jumysshylar men jumys berýshiler arasynda 2153 ujymdyq kelisim tirkelgen. Onyń 403-i iri kásiporyndarda, jáne 48-i orta, 82-si shaǵyn bıznes salasynda. Jalpy bıyl jyl basynan beri 168 ujymdyq kelisim tirkelip otyr. Onyń 47-si - iri kásiporyndarda, 70-i - orta, al 51-i shaǵyn kásiporyndardyń úlesinde», deıdi Eńbek jáne halyqty áleýmettik qorǵaý mınıstrligi qalalyq departamentiniń eńbek qatynastary bóliminiń bastyǵy Sholpan Esentaeva. Onyń aıtýynsha, ujymdyq kelisimshart jasamaǵan kásiporyndar qalada áli jetkilikti. Qazir departament qyzmetkerleri olarǵa túsindirý jumystaryn júrgizip jatyr.
