Almatyda jumys oryndarynda koronavırýs juqtyrý kórsetkishi kóbeıgen

ALMATY. QazAqparat – Sońǵy eki aptada Almatyda jumys orndarynda COVID-19 juqtyrǵandar sany artqan. Bul týraly qalanyń bas memlekettik sanıtarııa dáriger Jandarbek Bekshın aıtty, dep habarlaıdy QazAqparat tilshisi.

«Qalada jańa kórsetkish paıda boldy. Sońǵy eki aptada jumys orndarynda juqtyrý kórsetkishi kóbeıdi. Kórsetkish bes paıyzǵa ósip, toǵyz paıyzǵa jetti. Sondyqtan jumys berýshilerden epıdemııaǵa qarsy rejımdi kúsheıtýdi suraımyn», - dedi spıker.

Sonymen qatar, ol turǵyndar koronavırýsty qaı jerde jıi juqtyratynyn aıtty.
«Ótken aptada syrqattanǵandardyń 90%-nyń negizgi juqtyrý oryndary saýda obektileri – 29%, qoǵamdyq kólik – 21%, 22 paıyzy aýrýdy otbasy múshelerinen, 9 paıyzy bazarlardan juqtyrǵan», - dedi Jandarbek Bekshın.