Almatyda jumys ornyn saqtap qalý týraly memorandýmnyń júzege asyrylýyn baǵalaýǵa arnalǵan respýblıkalyq konferentsııa ótip jatyr

ALMATY. Qarashanyń 9-y. QazAqparat /Erlik Erjanuly/ - Búgin Almatyda «Álemdik qarjylyq daǵdarys jaǵdaıyndaǵy Úkimet, Kásipodaq federatsııasy jáne Ónerkásipshiler men kásipkerler odaǵynyń arasyndaǵy Úshjaqty kelisim.

Jumys ornyn saqtap qalý Memorandýmyn júzege asyrýdy baǵalaý» dep atalatyn respýblıkalyq konferentsııa ótip jatyr, dep habarlaıdy QazAqparat.

         Máslıhatty Mádenıet jáne aqparat mınıstrligi, Almaty qalasynyń ishki saıasat basqarmasy jáne «Áriptes» úkimettik emes uıymdardyń Almaty konfederatsııasy birigip uıymdastyrdy. «Biz bul joba aıasynda  Astana, Almaty qalalary men Almaty, Jambyl, Ońtústik Qazaqstan, Shyǵys Qazaqstan oblystarynda  áleýmettik zertteý júrgizdik. Sonyń negizinde qazaqstandyq kásipodaq uıymdarynyń eńbek etýshilerdiń quqyn qorǵaý boıynsha  jumystarynyń tıimdiligi zerttelip,  eldegi kásipodaq qozǵalystarynyń qazirgi jaǵdaıy, damý bolashaǵy týraly taldaý aqparattaryn ázirledik. Osy  alqaly jıynda   Shyǵys Qazaqstan, Oral oblystary men Astana qalasyndaǵy úkimettik emes uıymdardyń   zertteý jumystaryna baılanysty esepteri tyńdalýda», deıdi  «Áriptes» úkimettik emes uıymdardyń Almaty konfederatsııasynyń  tóraıymy Láıla Ahmetova. Onyń aıtýynsha, konferentsııaǵa qatysýshylar endi pikirtalastan keıin úshjaqty kelisimdi júzege asyrýǵa qatysty quzyrly organdarǵa óz usynymdaryn bermek.