Almatyda jumys izdeýshiler sany artty

ALMATY. QazAqparat – Almatyda jumys izdeýshilerdiń sany artty. Jumyspen qamtý ortalyǵyna kúnine 500 adam júginedi. Bul týraly Almaty qalalyq jumyspen qamtý ortalyǵynyń dırektory Dılıara Imanqulova aıtty, dep habarlaıdy QazAqparat tilshisi.

«Kún saıyn bizge 500-ge jýyq adam keledi. Olardy shuǵyl túrde jumysqa ornalastyrý úshin barlyq sharalardy qarastyramyz. Bizdiń ortalyq arqyly búgingi kúnde 12 myń adam jumyspen qamtyldy»,– dedi ortalyq dırektory Dılıara Imanqulova

Sonymen qatar, ol sanıtarlyq talaptardy saqtaý maqsatynda aýdandarda qosymsha qabyldaý bólimderi ashylǵanyn aıtty.

«Jumyspen qamtý ortalyǵyna kelýshilerdiń sanyn azaıtý jáne áleýmettik araqashyqtyqty saqtaý maqsatynda qalanyń bes aýdanynda qabyldaý bólimderin ashtyq. Bizdiń mamandar onda adamdarǵa tezirek qyzmet kórsetýge tyrysyp jatyrmyz. Biz barlyq qaýipsizdik normalaryn saqtaımyz»,– dedi Dılıara Imanqulova.

Onyń aıtýynsha, qazir qoǵamdyq jumystarǵa suranys joǵary.