Almatyda jumys istep turǵan kásiporyndar basshylarynyń 30,7 paıyzy - áıelder
ALMATY. 11 shilde. QazAqparat - Almaty qalalyq statıstıka departamentiniń 1 shildedegi málimetine qaraǵanda, áıelderdiń sandyq úlesi eń kóp sala - bilim berý.
Onda áıelderdiń sany 63,3 paıyzdy quraıdy. Odan keıingi sala - densaýlyq saqtaý men áleýmettik qyzmet (50,78 paıyz) bolyp otyr. Al qonystaný men tamaq salasynda 43,5 paıyzdy, qozǵalmaıtyn múlik operatsııalarynda 41,6 paıyzdy, ákimshilik jáne qosalqy qyzmette 40,8 paıyzdy quraýda.
Qaladaǵy jumys istep turǵan 35 233 kásiporynnyń 10 801-niń basshysy - áıelder. Onyń ishinde 893-i memlekettik kásiporynnyń 445-niń, 31 455 jekemenshik kásiporynnyń 9 592-siniń, 2 885 sheteldik kásiporynnyń 764-niń basshylary názik jandylar.
Sondaı-aq Almaly aýdanyndaǵy 9560 kásiporynnyń 3 131-niń, Bostandyq aýdanyndaǵy 9342 kásiporynnyń 2 337-siniń, Medeý aýdanyndaǵy 6 656 kásiporynnyń 2121-niń, Áýezov aýdanyndaǵy 4 986 kásiporynnyń 1 492-siniń, Jetisý aýdanyndaǵy 3 574 kásiporynnyń 906-synyń, Túrkisib aýdanyndaǵy 6556 kásiporynnyń 600-niń, Alataý aýdanyndaǵy 851 kásiporynnyń 214-niń jetekshisi - áıelder.
