Almatyda júkti áıeldiń júregine kúrdeli operatsııa jasaldy
Kardıologııa jáne ishki aýrýlar ǴZI-da jaqyn jáne alys shetelderdiń jetekshi ǵylymı medıtsınalyq ortalyqtarymen yntymaqtastyq sheńberinde klınıkanyń arıtmologtary úshin irgeli jáne translıatsııalyq medıtsına federaldy zertteý ortalyǵynyń (Reseı) jetekshi qyzmetkeri, medıtsına ǵylymdarynyń doktory Sergeı Artemenkonyń qatysýymen júrek yrǵaǵynyń kúrdeli buzylýlary bar naýqastarǵa operatsııalar jasaıdy.
«Bıylyǵy jyly biz rentgenendovaskýlıarlyq operatsııalyq blokty halyqaralyq sapa standarttaryna sáıkes jetildirdik. Júrek arıtmııasyn emdeý máselelerinde «altyn standart» dep tanylǵan CARTO 3 V7 Prime erekshe úsh ólshemdi júrekishilik navıgatsııa júıesin ornattyq. Bul júıe júrek yrǵaǵynyń kúrdeli buzylýlary bar naýqastarǵa tıimdi kómek kórsetýge múmkindik beredi. Ol júrekke jasalatyn túrli arıtmologııalyq aralasýlar kezinde jáne halyqaralyq tájirıbede sátti qoldanylady», - dedi deıdi ınstıtýttyń Basqarma tóraǵasy Roza Qýanyshbekova.
Onyń aıtýynsha, emdeýdiń eń ınnovatsııalyq ádisteriniń biri radıojıilikti ablatsııa (RJA) tásili. CARTO 3 V7 Prime paıdalaný osyndaı protsedýranyń tıimdiligi men qaýipsizdigin qamtamasyz etedi. Osy erekshe qondyrǵy júrektiń tolyq úsh ólshemdi kartalaryn jasaýǵa jáne adam ólimine alyp kelýi múmkin aýrý - arıtmııanyń kóptegen túrlerin emdeýge qabiletti.
«16 aqpannan 19 aqpanǵa deıin sheberlik klasy sheńberinde túrli jastaǵy júrektiń kúrdeli patologııasy bar shamamen 30 patsıentke operatsııa jasalatyn bolady. Erekshe bir jaǵdaıdy aıta ketý kerek, búgin 27 jastaǵy, 20 aptalyq júktiligi bar patsıentke operatsııa jasaldy. Ol álsizdik, basynyń aınalýy, esinen taný, júrek jumysyndaǵy úzilister, qalypty dene qımylynyń júktemesi kezinde entigý, jalpy álsizdik, sharshaý sekildi belgilermen ilesetin júrek soǵysynyń jıilený ustamasynyń bolatyndyǵyna shaǵymdandy. Oǵan paroksızmaldy qarynshaústi tahıkardııa dıagnozy qoıyldy. Sınkope. Operatsııa sátti ótti. Patsıent ózin jaqsy sezinedi»,- deıdi dáriger.
