Almatyda júkti áıeldi urlap, aqsha bopsalamaq bolǵandar ustaldy
ASTANA. Sáýirdiń 28-i. QazAqparat /Aıdar Ospanalıev/ - Almatylyq tártip saqshylary júkti áıeldi urlap, odan aqsha bopsalamaq bolǵan azamattardy ustady. Bul oqıǵa jóninde búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov baıandady,
dep habarlaıdy QazAqparat.
Onyń málimetterine qaraǵanda, Almaty qalasynyń polıtsııa organdaryna 29 jasar azamatsha habarlasyp, ózin belgisiz bireýlerdiń urlap áketip, 3 mıllıon teńge bopsalap jatqandyǵyn aıtqan.
«Al urlanǵan áıel óziniń densaýlyq jaǵdaıynyń nasharlap bara jatqandyǵyn aıtyp, náresteler úıine aparýdy suraǵan. Al aýrýhanaǵa jetken soń ol birden polıtsııa organdaryna telefon shalǵan. Jedel-izdestirý jumystarynyń barysynda eki jergilikti turǵyn ustalyp, qazirgi tańda jábirlenýshiniń kóligin izdestirý jumystary júrgizilýde.
