Almatyda júkti áıel kólik ishinde bosandy
ALMATY. QazAqparat – Almatyǵa Talǵar aýdanynan kelgen júkti áıel kólik ishinde bosandy, dep habarlaıdy QazAqparat tilshisi.
Áıeldiń sózinshe, ol Talǵar aýdanynan Almatyǵa bir jumystarymen kelgen. Jol ústinde tolǵaǵy qysqan.
Almaty qalalyq qoǵamdyq densaýlyq saqtaý basqarmasy habarlaǵandaı, saǵat 12:45-te jedel medıtsınalyq járdem dıspetcherlik qyzmetine kólikte áıeldiń bosanǵany týraly habarlama tústi. Jedel járdem brıgadasy kelgenshe saǵat 12:57-de áıel kólikte bosanǵan.
Jedel medıtsınalyq kómek brıgadasy kelgen soń qajetti medıtsınalyq kómekti kórsetildi. Ana men bala №1 qalalyq perzenthanaǵa jetkizildi, onda barlyq qajetti medıtsınalyq manıpýlıatsııalar júrgizildi.
«Qazir áıeldiń jaǵdaıy qanaǵattanarlyq. Balanyń salmaǵy 3 keliden asady. Ol ınvazıvti emes jeldetýdegi balalar bóliminde ornalasty. Balanyń ómirine eshqandaı qaýip tónip turǵan joq», - dep habarlady qalalyq qoǵamdyq densaýlyq saqtaý basqarmasynda.
