Almatyda júk poıyzy avtomobıldi súıretip ketti
ALMATY. QazAqparat – Almatydaǵy Túrkisib aýdanynda jeńil mashına men júk poıyzy soqtyǵysty, dep habarlaıdy «QazAqparat» HAA tilshisi.
Apat Bekmahanov – Súıinbaı kóshesinde qıylysynda oryn aldy. Kórgenderdiń fotolary men vıdeolary Instagram-daǵy pavlıkterdiń birinde paıda boldy.
Kadrde poıyzdyń qatty soqqysynan keıin Lada Priora markaly kóliktiń qalaı vagonǵa janshylyp qalǵany kórinip tur. Soǵan qaraǵanda, jeńil kólik poıyz kele jatqanda ótip úlgermegen. Oqıǵanyń anyq-qanyǵyn anyqtaý jumystary júrip jatyr.
Avtor: Elaman Turysbekov
