Almatyda júk kóliginiń qozǵalysyna shekteý qoıylýy múmkin
ALMATY. QazAqparat - Qala ákimi Baqytjan Saǵyntaev júk kólikterinen shyǵatyn zııandy qaldyqtardy azaıtý úshin qoldanylatyn sharalar týraly aıtty, dep habarlaıdy QazAqparat tilshisi.
Megapolıs basshysy Facebook-tegi paraqshasynda qorshaǵan ortaǵa túsetin tehnogendik júktemeni azaıtý úshin atqarylyp jatqan jumystar týraly aıtty.
«Qorshaǵan ortaǵa tehnogendi júktemeni azaıtý jumystaryn jalǵastyrýdamyz.Qoǵamdyq jáne kommýnaldyq avtoparkterdi ekologııalyq taza otynǵa aýystyrý jumysymen qatar tranzıttik júk kólikteriniń qozǵalysyn shekteý múmkindigin de zerdeleımiz. Júrgizilgen monıtorıng nátıjıesi boıynsha qalaǵa táýligine 17 myńnan astam júk kóligi qatynaıdy eken», - dep jazdy qala ákimi.
Baqytjan Saǵyntaevtyń aıtýynsha, bul máseleni jan-jaqty zerdeleý úshin Polıtsııa departamenti men Jasyl ekonomıka basqarmasynyń qyzmetkerleri, sarapshylar qaýymdastyǵy, sondaı-aq kólik pen kommýnıkatsııa ǴZI mamandary tartyldy. Qazirgi ýaqytta lastaýshy qaldyqtyń kólemi, marshrýtty ázirleý men ótkizý qabiletin esepteý boıynsha zertteý júrgizilýde.
Nátıjesinde megapolıstiń ekologııasy jaqsarady.
