Almatyda júk kóliginiń astyndaǵy asfalt opyryldy
ALMATY. QazAqparat - Almatyda Qalqaman shaǵynaýdanynda júk kóliginiń astynda asfalt opyrylyp qaldy, dep habarlaıdy QazAqparat tilshisi.
Qalalyq Energetıka jáne kommýnaldyq sharýashylyq basqarmasynyń habarlaýynsha, sapasyz jol tósendisin merdiger kompanııa jóndeıtin bolady.
"Opyrylǵan asfalt kólemi shamamen 2 metr. Qazir kommýnaldyq qyzmet ókilderi jol apatynyń sebebin anyqtap jatyr. Kelisimshartqa sáıkes merdiger kásiporyn sý júrgizý jumystaryna 2 jyl kepildik beredi. Sondyqtan apatty merdiger kásiporyn qalpyna keltiredi. Ázirge bul jerge qum-topyraq tógilip taptalady. Aýa raıy jaqsarǵan kezde asfalt tolyq qalpyna keltiriledi", - dedi Jylýenergokesheni kásiporyndarynyń resmı ókili ıAn Gırın.
Sonymen qatar bul ýchaskeni jóndeýge ınjenerlik jeli júrgizgen «Komstroımontaj» JShS tartylady.
ıAn Gırınniń aıtýynsha, asfalttiń opyrylýynan ınjenerlik jelilerge zaqym kelmegen. Tótenshe jaǵdaıdan soń bul ýchaskege jol tósegen kompanııa ákimshilik jazaǵa tartylady.
Aıta ketý kerek, tótenshe jaǵdaı búgin bolǵan.
Qalqaman aýdanynyń kóshesinde júk kóliginiń astynda asfalt opyrylyp, júk kóligi bir búıirine qısaıyp qalǵan.
