Almatyda júk kóligi traktor men jumysshylardy qaǵyp ketti
ALMATY. QazAqparat – Almatyda júk kóligi jol shetindegi traktor men 2 jumysshyny qaǵyp toqtady, dep habarlaıdy QazAqparat tilshisi.
Qoǵamdyq densaýlyq saqtaý basqarmasynan habarlaǵandaı, jol apatynan 3 adam jaraqat aldy.
«25 jastaǵy er adam mıy shaıqalyp, murny synyp, ishinen soqqy alǵan. 47 jastaǵy er adam ıek súıegi synyp ketken, basy jaraqat alǵan. 20 jastaǵy jigit mıy shaıqalyp, omyrtqasynan jaraqat alǵan»,- dedi basqarmanyń baspasóz qyzmetinen.
Polıtsııanyń habarlaýynsha, Gornaıa kóshesimen kele jatqan Howo júrgizýshisi kólik tizgininen aırylyp qalǵan. Birinshi ol traktorǵa soǵylyp, sosyn jol shetindegi eki jumysshyny qaǵyp ketip, ary qaraı gaz qubyry men jekemenshik úıdiń qorshaýyna soǵylyp, toqtaǵan.
«Jol apatynyń mán jaıyn Medeý aýdandyq PB ákimshilik polıtsııa bólimshesi anyqtap jatyr. Qazir sot medıtsınalyq saraptama taǵaıyndalǵan. Onyń qorytyndysyna sáıkes naýqastardyń alǵan jaraqatyna baǵa beriledi», -dedi PD.
