Almatyda júk kóligi Toıotany soǵyp, 1 adam kóz jumdy
ALMATY. QazAqparat - Almatyda dóńgelegin aýystyrýǵa shyqqan júrgizýshini júk mashınasy qaǵyp ketti, dep habarlaıdy QazAqparat tilshisi oqıǵa ornynan.
Jol apaty «ıAlıan» bazaryna qarama-qarsy jerde bolǵan.
Toıota Kamrı kóligi soltústik aınalma jolymen soltústikke qaraı baǵyt alyp kele jatqan.
Oqıǵany kózimen kórgenderdiń aıtýynsha, Toıota jolda dóńgelegi jarylyp toqtaǵan. Júrgizýshi kólikten túsip jarylǵan dóńgelekti aýystyrýǵa yńǵaılana bergende, artynan kele jatqan beton aralastyrǵysh kólik Toıota Kamrıdi soǵady.
Soqqydan kóliktiń artqy jaǵy japyrylyp qalǵan.
Al júrgizýshi alǵan jaraqatynan sol jerde mert boldy.
Aýyr júk kóligi júrgizýshisiniń nege aldyndaǵy kedergini baıqamaǵanyn jol polıtsııasy anyqtap jatyr.
