Almatyda júk kóligi samokat teýip júrgen qyz balany qaǵyp ketti
ALMATY. QazAqparat – Almaty qalasynda samokat teýip júrgen qyz bala júk kóliginiń astyna túsip mert boldy, dep habarlaıdy QazAqparat.
Almaty qalasy polıtsııa departamentiniń baspasóz qyzmetinde bul oqıǵanyń 4 maýsym kúni Alataý aýdanynyń Aqsý kóshesinde tirkelgenin málim etti.
«Atalǵan fakt sot aldy tergeýdiń biryńǵaı tiziliminde Qazaqstan Respýblıkasy Qylmystyq kodeksi 345-babynyń 3-bólimi (Abaısyzda adam ólimine ákelip soqtyrǵan jol-kólik erejelerin buzý) boıynsha tirkeldi. Almaty qalasy polıtsııa departamenti tergeý basqarmasynyń qyzmetkerleri oqıǵany tergeýge kiristi. Tıisti saraptamalar jasalady», - dep atap ótti polıtsııa departamentinen.
