Almatyda júk kóligi men avtobýs soqtyǵysty, zardap shekkender bar
ALMATY. QazAqparat - Almatyda júk kóligi men avtobýs soqtyǵysty, zardap shekkender bar, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, jol apaty Serikov pen Qazybaev kósheleriniń qıylysynda 23 sáýir kúni saǵat 11-ler shamasynda bolǵan.
«Mercedes benz» júk kóliginiń júrgizýshisi Qazybaev kóshesimen ońtústik baǵytta júrip kele jatyp, Serikov kóshesiniń qıylysynda «Saz» markaly avtobýspen soqtyǵysqan.
Apat saldarynan avtobýstyń júrgizýshisi men jolaýshylary jaraqat aldy. Bir adam aýrýhanaǵa jatqyzyldy. Basqa zardap shekkenderge sol jerde medıtsınalyq kómek kórsetildi», - dedi Almaty qalasy PD tergeý basqarmasynyń bastyǵy Oljas Sháripov.
Bul derekti Jetisý aýdandyq polıtsııa basqarmasy tekserip jatyr.
