Almatyda júk kóligi qurǵaq sýburqaqty qıratyp ketti
ALMATY. QazAqparat - Almatyda júk kóligi Panfılov kóshesindegi qurǵaq sýburqaqty qıratyp ketti. Polıtsııa tergeý júrgizip jatyr, dep habarlaıdy QazAqparat tilshisi.
Qalanyń jasyl ekonomıka basqarmasynyń habarlaýynsha, 25 aqpan kúni shamamen keshki saǵat 17:00 - de «Almaty Tazalyq» MKK júk kóligi qardy shyǵaryp jatyp, Panfılov kóshesindegi qurǵaq sýburqaqty qıratyp ketken.
«EkoAlmaty» JShS polıtsııaǵa shaǵym túsirdi. Hattama jasaldy. Quqyq qorǵaý organdary tergeý júrgizip, keltirilgen shyǵyndy eseptep jatyr. Sýburqaqty jóndeý jumystary «Almaty Tazalyq» mekemesi esebinen júzege asyrylady»,- dep habarlady basqarmadaǵylar.
Sondaı-aq, «EkoAlmaty» men Jasyl ekonomıka basqarmasy qyzmetkerleri «Almaty Tazalyq» mekemesine sýburqaqtary ornatylǵan kóshelermen júrýge ruqsat etilgen arnaıy tehnıkanyń ólshemderi týraly aıtty.
