Almatyda júk kóligi kópir astynda tirelip qaldy
ALMATY. QazAqparat - Konteıner artyp alǵan júk kóligi kópir astyna tirelip turyp qalyp, saldarynan uzyn-sonar kólik keptelisi boldy, dep habarlaıdy QazAqpara tilshisi.
Oqıǵa Rysqulov dańǵyly men Nııazbekov kósheleriniń qıylysynda bolǵan. Platformasyna qosymsha konteıner jegip alǵan júk kóligi Rysqulov dańǵylymen shyǵys baǵytta bara jatqan.
Kólik ıesiniń aıtýynsha, júk kóliginiń kópir astyna syımaı qalýy múmkin ekenin paıymdamaǵan. Sondyqtan ol jyldamdyǵyn tómendetpeı júre bergen. Nátıjede júk kóligi aýdarylyp, Lexus markaly kóliktiń kapotyn zaqymdaǵan.
Jol apatynan jaraqat alǵan azamat joq. Dese de, Rysqulov boıymen shyǵys baǵytqa qaraı birneshe shaqyrymdyq keptelis ornady.
Oqıǵa ornynda jol polıtsııasy jumys jasap jatyr.
Avtory: Joldas Órisbaev
