Almatyda júk kóligi kókónis satatyn dúkenge soǵyldy

ALMATY. QazAqparat- Almatyda júk kóligi kókónis satatyn dúkenge soǵyldy, dep habarlaıdy QazAqparat tilshisi.

Jol-kólik oqıǵasynyń vıdeosy áleýmettik jelide tarady.

Almaty qalalyq Polıtsııa departamentiniń málimetinshe, oqys oqıǵa 12 sáýir kúni Naýryzbaı aýdanynda bolǵan.

«Keshe keshki saǵat 18:30-dar shamasynda «Howo» júk kóliginiń júrgizýshi Asqarov kóshesimen batys baǵytta kele jatyp, Arychnaıa kóshesiniń qıylysyndaǵy dúkenge soǵylǵan. Jol-kólik oqıǵasy saldarynan júrgizýshi jaraqat aldy. Keleńsiz jaǵdaıdy Naýryzbaı aýdanynyń polıtsııa basqarmasy tergep jatyr», - dedi Almaty qalasy PD anyqtaý basqarmasynyń bastyǵy Oljas Sháripov.