Almatyda júk kóligi áıel men balany qaǵyp ketti
ALMATY. QazAqparat - Almatyda júk kóligi balasy bar áıeldi qaǵyp ketti. Qalalyq polıtsııa basqarmasy jol apatyna qatysty túsinikteme berdi, dep habarlaıdy QazAqparat tilshisi.
Facebook qoldanýshysy Marına Salıevanyń aıtýynsha, oqıǵa 15 naýryz kúni tańǵy saǵat 09:30 bolǵan. Pavlodar kóshesindegi aıaldamada júk kóliginiń júrgizýshisi e ki adamdy qaǵyp ketken.
Qalalyq polıtsııa departamenti baspasóz qyzmetiniń málimetinshe, bul fakt QRQK 345-baby, 2-bóligi (Jol qozǵalysyn buzý) boıynsha júrgizilip jatyr.
«Zardap shekkenderdiń jol apaty kezide alǵan jaraqattardyń aýyrlyǵyn anyqtaý úshin sot-medıtsınalyq saraptama taǵaıyndaldy. Óndiris obektıvtilik, tolyqtyq jáne jan-jaqty prıntsıpterin qatań saqtaı otyryp júzege asyrylady. Osy oqıǵany áleýmettik jelide baıandaǵan avtordyń dálelderi negizsiz jáne qoǵamdy adastyrady», - dep túsindirdi polıtsııadan.
