Almatyda júk kóligi aýdarylyp qaldy
ALMATY. QazAqparat - Almatyda júk kóligi gaz qubyryn qıratyp baryp bir búıirine tóńkerilip qaldy, dep habarlaıdy QazAqparat tilshisi.
Jol apaty Jandosov kóshesinde bolǵan.
GAZ júk kóliginiń júrgizýshisi rólden aıyrylyp qalǵan. Sonyń kesirinen kólik oń jaqtaǵy tirek qubyrlar men gaz qubyryn, metal qorshaýdy qaǵyp ketken.
Keıin júk kóligi bir búıirine qısaıa qulaǵan.
Oqıǵa ornyna jetken arnaıy qyzmet ókilderi janarmaı tógilmeýi úshin kólikti ornyna turǵyzdy.
Jol apatynan GAZ kóliginiń júrgizýshisi men jolaýshysy japa shekken.
