Almatyda júk kóligi 9 jasar balany qaǵyp ketti
ALMATY. QazAqparat- Almatyda ZIL kóligi jol boıynda velosıpedten qulaǵan balany qaǵyp ketti, dep habarlaıdy QazAqparat tilshisi.
«Bul oqıǵa búgin saǵat 11-de Almaty qalasy Alataý aýdany Alǵabas yqshamaýdanynda Móńke bı men Besarys kósheleriniń qıylysynda boldy. Júk kóliginiń astyna túsip ketken 2010 jyly týǵan ul bala kóz jumdy»,- dep habarlady Almaty qalalyq PD.
Kýágerlerdiń aıtýynsha, bala velosıpedpen Móńke bı kóshesindegi trotýardyń boıymen batys baǵytta ketip bara jatqan.
Júk kóligi de osy baǵytqa bet alǵan. Bir kezde bala velosıpedten týra joldyń boıyna qulap, júk kóliginiń dóńgeleginiń astyna túsken.
Júrgizýshi balany basyp ketkenin baıqamaǵan.
«Bul fakt sotqa deıingi tergeýdiń biryńǵaı tiziliminde tirkeldi. QRQK 345 babynyń 3 bóligi boıynsha is tıisti saraptamadan ótedi», delingen habarlamada.
