Almatyda júgirýden «Kúzgi jarys» sharasy ótti
ALMATY. QazAqparat- Almatyda botanıkalyq saıabaqta júgirýden «Kúzgi jarys» sporttyq sharasy ótti. Qatysýshylar saıajoldarmen, qylqan japyraqty aǵashtardyń arasymen, asfalt joldarmen jáne tipti tas joldarmen júgirdi. Bul týraly búgin QazAqparat tilshisine «Almaty Marafon» uıymynyń PR-menedjeri Arına Pırogova málimdedi.
Bul joly jarys jolyna 200-ge jýyq adam shyqty. Jarys súıer qaýym tórt jas mólsheri boıynsha baqtaryn synady. On jastan on tórt jasqa deıingi jasóspirimder 2 shaqyrymǵa júgirse, eresekter 10 shaqyrymǵa jýyq joldy basyp ótti. Júldeli oryndarǵa qol jetkizgender demeýshiler tarapynan qurmet gramotalarymen, medaldarmen jáne baǵaly syılyqtarmen marapattaldy.
«Aralyq júgiristi biz birinshi ret uıymdastyryp otyrmyz. Endi budan keıin mundaı jarystardy úsh aı saıyn ótkizip turýdy josparlap otyrmyz. Atalmysh sporttyq sharalar Almaty Marafonyna daıarlyqtyń mańyzdy kezeńderine aınalady degen úmittemin» - «Almaty Marafony» uıymdastyrýshy komıtetiniń ókili Saltanat Qazybaeva.
Onyń aıtýynsha, «Almaty Marafony» uıymdastyrýshy komıtetiniń ótkizetin barlyq sharalarynyń maqsaty bir - salaýatty ómir saltyn nasıhattaý jáne buqaralyq sportty damytý.
