Almatyda Jubanov kóshesin uzartý úshin 307 ýchaske satyp alynady
ALMATY. QazAqparat – Almatydaǵy Jubanov kóshesin uzartý úshin 307 ýchaske satyp alynady. Bul týraly qala ákimi Erbolat Dosaev Áýezov aýdanynyń turǵyndarymen kezdesýde aıtty, dep habarlaıdy QazAqparat tilshisi.
Erbolat Dosaevtyń aıtýynsha, Jubanov kóshesin Momyshuly kóshesinen qala shekarasyna deıin uzartýǵa arnalǵan jobalaý-smetalyq qujattama memlekettik saraptamanyń oń qorytyndysyn alǵan.
«Bul Áýezov aýdanynyń damýyna, kólik júktemesin tómendetýge jáne qoǵamdyq kólikpen qyzmet kórsetý sapasyn jaqsartýǵa yqpal etedi. Qazirgi tańda satyp alýǵa jatatyn 307 ýchaske anyqtaldy. Onyń 50-i bıyl satyp alynady. Búgingi tańda merdigerlik uıymdy anyqtaý boıynsha konkýrstyq rásimder júrgizilip jatyr», - dedi Erbolat Dosaev.
