Almatyda JRVI, tumaý aýrýlary ótken jyldyń sáıkes kezeńimen salystyrǵanda 1,6 ese ósken

Dárigerdiń aıtýynsha, ótken aptada Almatyda JRVI, tumaý aýrýlarynyń 19 394 jaǵdaıy tirkeldi.
«100 myń turǵynǵa shaqqandaǵy kórsetkish 906,71 adamdy quraıdy. Sondaı-aq, bul aldyńǵy aptamen salystyrǵanda 9,1%-ǵa, ótken jyldyń sáıkes kezeńimen salystyrǵanda 1,6 ese óskenin kórsetti. Aýrýǵa shaldyqqan balalar sany 70,6% quraıdy», - dedi dáriger.Epıdemıologııalyq maýsym bastalǵannan beri, ıaǵnı, 2022 jyldyń 1 qazanynan 2023 jyldyń 8 aqpanyna deıin qalada JRVI-men 395 595 adam aýyrdy. 100 myń turǵynǵa shaqqandaǵy kórsetkishi – 18 494,86-ny qurady jáne ótken jyldyń uqsas kezeńindegi kórsetkishten 22,8%-ǵa joǵary.
«Qalada tumaýmen syrqattanǵandar sany 244 adam, onyń ishinde V týrimen- 119, A/H1N1pdm-09 túrimen 122 jáne A/H3N2 túrimen 3 adam aýyrdy. Barlyq naýqastarǵa em taǵaıyndaldy, qazir jaǵdaılary qanaǵattanarlyq.

Sonymen qatar, megapolıste tumaýǵa jatpaıtyn JRVI vırýstary aýada júr. Olar: RS vırýsy, rınovırýs, paragrıpp, bokavırýs, metapnevmovırýs, adenovırýs jáne maýsymdyq koronavırýs»,- dedi Ásel Qalyqova.
Onyń málimetinshe, qala boıynsha epıdemııaǵa deıingi maýsymda 2022 jylǵy qyrkúıekten bastap 1 jeltoqsanǵa deıin tumaýǵa qarsy 224 706 adam egilgen.
«Bul qala halqynyń 10,5%-yn quraıdy. Onyń ishinde jergilikti bıýdjet esebinen 210 000 «táýekel tobyndaǵy» adam (100%), aqyly negizde jeke medıtsınalyq ortalyqtarda jumys berýshilerdiń qarajatyna 10 576 adam, óz qarajatyna – 4130 adam egildi»,- dep habarlady Almaty qalasynyń sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova.