Almatyda JRVI men tumaý órship tur
ALMATY. QazAqparat- Qazir JRVI men tumaý taraıtyn kezeń, soǵan baılanysty qalada syrqattanýshylar kóbeıdi. Bul týraly Almaty qalasy Sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova málim etti, dep habarlaıdy QazAqparat tilshisi.
Onyń aıtýynsha, ótken aptada 12 myńnan astam adam tumaýmen tirkeldi. Al, JRVI-diń taralýy ótken aptalarmen salystyrǵanda 3,7 ese artqan. Aýyrǵandardyń 60 paıyzdan astamy balalar.
«1 qazannan beri JRVI-diń 86 myńnan astam jaǵdaıy tirkeldi. Bul ótken jylǵa qaraǵanda 3,6 ese joǵary. Qazir kún saıyn zerthanada tumaý vırýsynyń aınalymyna baqylaý júrgizilip otyr. Búgingi kúni tumaýdyń A, HN2 túriniń 25 jaǵdaıy anyqtaldy. Sondaı-aq maýsym basalǵaly JRVI-diń ózge túrleri de kezdesti. Vırýstyń aldyn alýdyń basty joly halyqqa vaktsına salý»,-dedi spıker.
Bıyl Almaty ákimdigimen tumaýǵa qarsy vaktsınanyń 130 myń dozasy jetkizildi. 15 qyrkúıekten beri bıýdjet esebinen 128 myńnan astam adam vaktsına alǵan, al 3,5 myń adam aqyly túrde saldyrǵan. Sondaı-aq jumys berýshi tarapynan 5 myńdaı adam vaktsına saldyrǵan.
