Almatyda JRVI-ǵa qatysty epıdemıologııalyq jaǵdaı turaqty - Bekshın
ALMATY. QazAqparat – Qazirgi ýaqytta Almaty qalasynda jiti respıratorly vırýsty ınfektsııaǵa (JRVI) qatysty epıdemıologııalyq jaǵdaıy turaqty.Bul týraly onlaın brıfıngte Almaty qalasynyń bas memlekettik sanıtarlyq dárigeri Jandarbek Bekshın aıtty, dep habarlaıdy QazAqparat tilshisi.
«Epıdemııalyq maýsym bastalǵannan beri ıaǵnı, 2019 jyldyń 1 qazanynan 2020 jyldyń 30 qyrkúıegine deıin JRVI juqtyrýdyń 85975 jaǵdaıy tirkeldi. Syrqattaný deńgeıi 4421,24 qurady, bul ótken epıdemııalyq maýsymnyń kezeńimen salystyrǵanda 3,6% tómen. 14 jasqa deıingi balalar arasynda ósim 48478 jaǵdaıdy qurady, olardyń úlesi 56,4% qurady, bul aldyńǵy epıdemııalyq kezeńdermen salystyrǵanda 8% tómen (2018-2019 epıdemıologııalyq maýsymda, balalar arasynda 54 548 jaǵdaı -64,4%», – dedi Jandarbek Bekshın.
Júkti áıelder arasynda jiti respıratorlyq vırýstyq ınfektsııanyń 856 (0,9%) jaǵdaıy tirkeldi, ótken epıdemııalyq maýsymda 750 (0,88%) jaǵdaı bolǵan. Іs júzinde, olardyń qurylymdyq úlesi 1% -ke deıin ıaǵnı, teń dárejede.
«JRVI-men aýyrǵan 11852 naýqas aýrýhanaǵa jatqyzyldy, onyń 656-sy júkti, 1 jasqa deıingi balalar - 5064 (ótken epıdemııalyq maýsymda 13585 aýrýhanaǵa jatqyzyldy, onyń 1100-i júkti, 6098-i 1 jasqa deıingi balalar»,– dedi ol.
Jyl saıyn jergilikti bıýdjet esebinen qaýip tobyndaǵy adamdarǵa vaktsınatsııa jasalady. Osy jyly qaýip tobyna Reseıden 130 000 doza kóleminde shyǵarylǵan úsh valentti «Grıppol Plıýs» vaktsınasy satyp alyndy. 300 000 dozaǵa qosymsha tapsyrys berildi, onyń 186 myń dozasy kelip tústi.
«Qalada tumaýǵa qarsy vaktsınatsııa 10 qyrkúıekte bastaldy, 2020 jyldyń 30 qyrkúıegindegi jaǵdaı boıynsha tek 122 669 adam vaktsınatsııalandy, bul qalanyń jalpy halqynyń 6,1% quraıdy, onyń 116 935-i (89,9%) «qaýip tobyna» kiredi. Onyń ishinde densaýlyq saqtaý qyzmetkerleri - 24866, on tórt jasqa deıingi balalar - 21101, júkti áıelder - 6192, sozylmaly aýrýlary bar adamdar - 98573, balalar úıi, qarttar úıi sııaqty jabyq mekemeler kontıngenti – 3019»,– dep atap ótti Jandarbek Bekshın.
Jeke medıtsınalyq ortalyqtarda tek 5734 adam vaktsınatsııalandy, onyń ishinde 1342 adam jumys berýshiler esebinen, 4392 adam óz qarajattaryna ekpe saldyrdy.
