Almatyda JOO túlekterine dıplomdar tapsyrylýda
ALMATY. Maýsymnyń 17-si. QazAqparat /Erbol Turymbetov/ - Búgin Almatydaǵy Abaı atyndaǵy opera jáne balet teatrynda Halyqaralyq Bıznes Akadamııasynyń túlekterine dıplom tapsyrý saltanatty keshi bolyp ótti,
dep habarlaıdy QazAqparat.
Merekelik sharaǵa Akademııanyń prezıdenti jáne rektory Asylbek Qojahmetov pen Almaty qalasy ákiminiń orynbasary, HBA Qamqorshylar keńesiniń múshesi Serik Seıdýmanov qatysyp, bitirýshi stýdentterge dıplomdaryn tabystady. Sonymen birge, keshte birqatar otandyq jáne sheteldik kompanııalar basshylary da boldy.
«Bıylǵy jyldan bastap bizdiń dıplomdar Qazaqstanmen birge Eýropaǵa da jaraıtyn bolady. Biz búgingi bakalavr túlekterin magıstratýraǵa shaqyramyz. Magıstratýraǵa túsý úshin arnaıy jeńildikter de qarastyrǵanbyz. Kúzge deıin Akademııanyń bas ǵımaratynyń ústine taǵy bir qabat qosylady. Soǵan saı Akademııanyń ınfraqurylymyn da damytamyz. Osy sátti paıdalana otyryp, túlekterge sát sapar tileımin jáne bıznestegi áriptesim retinde sanaıtyn bolamyn», dedi Akademııanyń prezıdenti jáne rektory Asylbek Qojahmetov.
Halyqaralyq Bıznes Akademııasy elimizdegi joǵary deńgeıli oqý orny bolyp sanalady. 2009 jyldyń qorytyndysy boıynsha Qazaqstandaǵy №1-shi bıznes mektebi bolyp tabylǵan. Sonymen qatar, osy jyldyń qańtarynda Eýropa ınstıtýttyq akkredıtatsııasyn ıelengen.
