Almatyda jolǵa júgirip shyǵyp, kólik astyna túsken balanyń jaǵdaıy belgili boldy
ALMATY. QazAqparat – Almaty dárigerleri jolǵa júgirip shyǵyp kólik astyna túsip qalǵan balanyń densaýlyǵy týraly aıtty, dep habarlaıdy QazAqparat tilshisi.
Almaty qalalyq Qoǵamdyq densaýlyq basqarmasynyń habarlaýynsha, bala kólik qaqqan kezde esinen tanyp qalǵan.
«2015 jyly týǵan bala jol apatynan ushyrap 24 qazanda aýrýhanaǵa jetkizildi. Soqqy bolǵan kezde bala esinen tanyp qalǵan. Sony eskere otyryp balany anestezııa, jan saqtaý bólimine jatqyzdyq. Qazir jaǵdaıy qanaǵattanarlyq. Bólimshege aýysty»,- dedi basqarmadan.
Aıta keteıik, jol apaty senbi kúni Túrksib aýdanynda bolǵan. Jol shetinde turǵan bala anasynan sytylyp shyǵyp, qara jolǵa júgirip ketkende ony kólik qaǵyp ketti.
