Almatyda jolǵa talasqan júrgizýshiler tóbelesip qaldy
ALMATY. QazAqparat - Almaty turǵyny jolǵa talasam dep, bir adamnyń qulaǵyn tistep aldy, dep habarlaıdy QazAqparat tilshisi.
Bul týraly Instagram jelisindegi Kris_p_brothers pablıginde jarııalandy.
Oqıǵa Abaı jáne Saın kósheleriniń qıylysynda bolǵan. Jolǵa talasqan eki júrgizýshiniń biri ekinshisin uryp-soǵyp, artynan qulaǵyn tistep alǵan.
Belgili bolǵandaı, buzaqy júrgizýshi buryn sottalǵan.
Polıtsııa departamenti baspasóz qyzmetiniń habarlaýynsha, atalǵan derek negizinde QR QK 293-babymen sotqa deıingi tergeý bastalǵan.
«Qazirgi tańda Áýezov aýdandyq polıtsııa basqarmasy bolǵan oqıǵaǵa baılanysty keshendi tergeý júrgizip jatyr. Júrgizýshilerdiń arasynda daý-janjal bolǵan. Olardyń biriniń denesine zaqym kelgen. Onyń dárejesin sot-medıtsınalyq saraptama anyqtaıdy»,- dedi polıtsııadan.
