Almatyda joldyń ortasynda shahmat oınaǵan prankerler 10-15 táýlikke qamaldy
ALMATY. QazAqparat – Almaty polıtseıleri jol boıynda shahmat oınaǵan prankerlerdi qamaýǵa aldy, dep habarlaıdy QazAqparat tilshisi.
Blogerler Ákimshilik quqyq buzý kodeksiniń «Usaq buzaqylyq» baby boıynsha jazalandy.
Іsti Almaty qalasynyń mamandandyrylǵan aýdanaralyq ákimshilik soty qarady.
«Sot sheshimi boıynsha oıynshylardyń biri - 15 táýlikke, ekinshisi - 10 táýlikke qamaldy. Olar qazir Almatynyń qabyldaý-taratý ornynda» dep habarlady qalalyq polıtsııa departamenti.
Sondaı-aq, sot sheshimimen quqyq buzýshylardyń júrip-turýyna úsh aı merzimge erekshe talap qoıyldy.
Eske salaıyq, 7 jeltoqsan kúni áleýmettik jelide ál-Farabı dańǵylynyń boıynda shahmat oınap otyrǵan prankerlerdiń vıdeosy taraǵan bolatyn.
Sol kúni Bostandyq aýdandyq polıtsııa basqarmasynyń basshysy Ulan Ábilqaıyr Facebook jelisindegi paraqshasynda prankerler polıtsııaǵa jetkizilgenin habarlady.
