Almatyda joldyń qarsy betine shyqqan kólik júrgizýshi jazalandy
ALMATY. QazAqparat – Almatyda ál-Farabı dańǵylymen qarama qarsy baǵytta júrgen Renault kóliginiń júrgizýshisi jazalandy, dep habarlaıdy QazAqparat tilshisi.
Quqybuzýshylyqtyń vıdeosy áleýmettik jelide taraǵan.
«41 jastaǵy júrgizýshi QR ÁqbK 596-babynyń 3-bólimi, 606-babynyń 1-bólimi, 601-babynyń 2-bólimimen aıypty dep tanyldy. Júrgizýshi tergeýshilerge bergen jaýabynda týystarymen sózge kelip qalǵan soń ashýǵa berilip osylaı etkenin aıtty. Alaıda ol jol qozǵalysyna apatty jaǵdaı týdyrǵan. Kóp uzamaı quqyq buzýshyny sol aımaqta qaraýyldap júrgen polıtsııa ınspektorlary ustap ákimshilik jazaǵa tartty», - dedi Almaty qalalyq Polıtsııa departamentiniń Ákimshilik polıtsııa basqarmasynyń basshysy Jandos Muratalıev.
