Almatyda joldyń qarsy betine shyqqan kólik júrgizýshi tórt bap boıynsha jazalanady
Quqyqbuzýshylyqtyń vıdeosy Instagram áleýmettik jelide taraǵan.
Almaty qalalyq Polıtsııa departamenti jol júrý erejesin buzǵan júrgizýshini anyqtady.
«K. Jánibek kóshesiniń boıymen júrgen «Toyota camry» kóliginiń júrgizýshisi birden anyqtaldy. Ol- 2002 jyly týǵan Nurbolat esimdi azamat. Onyń Qazaqstan Respýblıkasynyń ákimshilik quqyq buzýshylyq týraly kodeksiniń 230 -babynyń ekinshi bóliginde, 601 – babynyń ekinshi bóliginde, 595 -babynyń birinshi bóliginde jáne 596 -babynyń úshinshi bóliginde kózdelgen QR jol qozǵalysy erejelerin buzǵany belgili boldy. Tıisti ákimshilik materıaldar jınaldy, sot qaraýyna jiberiledi», - dedi qalalyq polıtsııa departamenti bastyǵynyń orynbasary Rýstam Ábdirahmanov.
Sonymen qatar, polıtsııa ókili jol júrý erejesin buzǵandar jazasyz qalmaıtynyn eske saldy.
«Jol júrý erejesin óreskel buzǵan Nurbolat kópshilik aldynda keshirim surady. Biraq, bul zań aldyndaǵy jaýapkershilikten bosatady degen sóz emes», - dep atap ótti spıker.