Almatyda joldyń qarsy baǵytyna shyǵyp ketken júrgizýshi mert boldy
ALMATY. 2 shilde. QazAqparat - Almatyda jol-kólik apatynda qarsy baǵytqa shyǵýy saldarynan «Mersedes-Bents 230» kóliginiń júrgizýshisi qaza tapty.
Jol qozǵalysynyń qaýipsizdik aptasy aıasynda joldarda baqylaý kúsheıtildi, dep habarlady qalalyq ІІD JPB-niń baspasóz qyzmeti.
29 maýsymda Almatyda jol erejesiniń 1133 buzýshylyǵy anyqtaldy. Olardyń ishinde mas kúıinde kólik júrgizý boıynsha 11 fakti, qaýipsizdik beldigin taqpaǵan - 109, keri burylýda - 226 jáne qarsy baǵytqa shyǵýdyń 34 oqıǵasy anyqtaldy.
Ótken jumada, keshke qaraı Túrkisib aýdanynda «Mersedes-Bents 230» jeńil kóligi men «Howo» kóligi soqtyǵysty. Qarsy baǵytqa shyqqan birinshi kóliktiń júrgizýshisi jantásilim etti.
Oqıǵa ornyna kelgen jol polıtsııasynyń qyzmetkerleri kóliktiń ishindegi adamdardy alyp shyǵyp, medıtsınalyq kómek kórsetý úshin jedel sharalar qoldandy. Qosymsha kelgen ekıpajdar kólikterdi alyp ketýmen jáne kýágerlerden aqparat jınaýmen aınalysty.
