Almatyda joldyń qarsy baǵytymen júrgen júrgizýshi jazalandy
ALMATY. QazAqparat – Almatyda Abaı dańǵylynyń boıynda qarsy baǵytpen júrgen «BMW» kóliginiń júrgizýshisi jazalandy, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, 1989 jyly týǵan T. esimdi azamat, Abaı dańǵylymen batys baǵytta kele jatyp, qarsy baǵytta birneshe metr júrgen.
«Sergek» kameralarynyń kómegimen patrýldik polıtsııa polkiniń qyzmetkerleri júrgizýshiniń baǵytyn qadaǵalap, jol erejesin buzǵan azamatty anyqtady. Ol Taldyqorǵan qalasyna asyǵyp ketip bara jatqan eken. Alaıda, bul quqyqbuzýshyǵa jaýapkershilikten jaltarýǵa kómektespedi. Ol QR ÁQbK-niń 596-baby 3-bóligi, QR ÁQbK-niń 601-baby 1-bóligi, QR ÁQbK-niń 606-baby 1-bóligi boıynsha ákimshilik jaýapqa tartyldy»,– dedi Almaty qalalyq PD jergilikti polıtsııa qyzmeti basqarmasynyń bastyǵy Manap Sattarov.
Mamandandyrylǵan aýdanaralyq ákimshilik sotynyń sheshimimen júrgizýshi alty aı merzimge kólik quraldaryn basqarý quqyǵynan aıyryldy.
Shahar polıtseıleri júrgizýshilerge jol erejelerin qatań saqtaýǵa shaqyrady.
