Almatyda joldyń qarsy baǵytymen júrgen avtobýs júrgizýshi jazalandy

ALMATY.QazAqparat – Almaty polıtsııasy joldyń qarsy baǵytymen júrgen avtobýs júrgizýshisiniń kim ekenin anyqtady, dep habarlaıdy QazAqparat tilshisi.

Jol erejesin buzǵan qoǵamdyq kólik júrgizýshisiniń vıdeosy áleýmettik jelide paıda boldy.

Almaty qalalyq polıtsııa departamenti bastyǵynyń orynbasary Rýstam Ábdirahmanovtyń aıtýynsha, avtobýs júrgizýshisi jazalanady.

«Tekserý júrgizildi. Quqyq buzýshy anyqtaldy, ol 1990 jyly týǵan Z. Serikbaev degen azamat. QR ÁQBtK-niń 596-babynyń 3-bóliginde kózdelgen ákimshilik quqyq buzýshylyq jasaǵany úshin jınalǵan materıal sotqa jiberildi», - dedi Rýstam Ábdirahmanov.