Almatyda joldy sapasyz jóndegen birqatar kompanııaǵa aıyppul salyndy
ALMATY. QazAqparat - Almatyda jaýapsyz merdigerlerge qatysty shara kúsheıtildi, dep habarlaıdy QazAqparat tilshisi.
Qala ákiminiń tapsyrmasymen negizgi kóshelerde, kvartal aralyq kósheler men aýlalarda qurylys-montaj jumystaryn júrgizetin qurylys kompanııalaryna qoıylatyn talap kúsheıtildi.
Bul shara merdiger kompanııalardyń jaýapkershiligin arttyrýǵa, sondaı-aq qala turǵyndarynyń jaılylyǵy men qaýipsizdigin qamtamasyz etýge jáne kólik qozǵalysyna barynsha kedergi keltirmeýi úshin qolǵa alyndy.
Almaty qalalyq qurylys baqylaý basqarmasy sapasyz qurylys-montajdaý jumystaryn júrgizgen alty sýbektini QR Ákimshilik kodeksiniń 312-baby, 1-bóligi boıynsha jaýapkershilikke tartty. Atap aıtsaq, «AJK» AQ, «Elektrokabel zaýyty» JShS, «Krıstall MMS « JShS,« Badımýs Stroı» JShS, «Suńqar» JShS,«Sıgma» JShS.
Atalǵan kompanııalarǵa 8 mln teńgeden astam aıyppul salyndy.
«Bul baǵyttaǵy jumystar jalǵasady», - deıdi qala basshylyǵy.
