Almatyda joldy sapasyz salǵan kompanııalar lıtsenzııasynan aıyryldy

ALMATY. QazAqparat - Almatylyq jol salýshy merdiger kompanııalar lıtsenzııasynan aıyryldy, dep habarlaıdy QazAqparat tilshisi.

Qala qurylysyn baqylaý basqarmasy taratqan málimetke sáıkes, Naýryzbaı aýdanynda kúre joldardy sapasyz salǵan «Esik Joldary» JShS men «AlmatyDorStroı» JShS lıtsenzııasynan aıyryldy.

«Tekserý nátıjeleri jumystardyń jobalyq sheshimge saı bolmaǵanyn jáne qurylys normalary men erejeleriniń jıi buzylǵanyn kórsetti. Bizdiń taraptan merdiger uıymdarǵa qatysty ákimshilik sharalar qoldanyldy jáne materıaldar sotqa jiberildi. Almaty qalasynyń mamandandyrylǵan aýdanaralyq ákimshilik soty bizdiń talabymyzdy qanaǵattandyryp, merdigerlerdi qurylys júrgizý jónindegi lıtsenzııacynan aıyrdy»,- delingen habarlamada.

Aıta keterligi, eki kompanııa da qurylys naryǵyndaǵy iri jol salýshylar jáne Almatyda birneshe jyldan beri jol salyp keledi.

Sonymen qatar, Almaty kóshesiniń boıynda jol qurylysyn júrgizgen «DSÝ-13» kompanııaǵa qatysty materıaldar sotqa jiberildi.