Almatyda joldarynda jyl basynan 31 jaıaý júrginshi qaza boldy
ALMATY. QazAqpart – Almaty joldarynda jyl basynan 31 jaıaý júrginshi qaza tapty, dep habarlaıdy QazAqparat tilshisi.
Almaty qalalyq ákimshilik polıtsııasynyń málimetinshe, jyl basynan beri shaharda oryn alǵan 933 jol-kólik oqıǵasyna jaıaý júrginshilerdiń qatysy bolǵan. Saldarynan 31 adam qaza tapty.
Sonymen qatar, bıylǵy jyldyń toǵyz aıynda jol qozǵalysy erejelerin saqtamaǵany úshin 9 myńnan astam jaıaý júrginshi ákimshilik jaýapqa tartyldy.
«Jyl saıyn jaıaý júrginshilerdiń qatysýymen bolatyn jol-kólik oqıǵalarynyń sany artyp keledi. Jol qozǵalysyna qatysýshylardyń árqaısysy, eń aldymen, óz qaýipsizdigin oılap, jol qozǵalysy erejelerin qatań saqtaýy kerek. Balalar ata-anasynyń istegenin qaıtalaıdy. Sondyqtan úlkender ózderine jáne balasyna qaýipsiz orta qurý úshin durys úlgi kórsetýi kerek. Jaıaý júrginshilerdi joldardaǵy tártipti jaqsartýǵa shaqyramyz», – dedi Almaty qalalyq Polıtsııa departamenti Ákimshilik polıtsııa basqarmasynyń bastyǵy Nurlan Amanbek.
