Almatyda joldar men trotýarlar qansha ret jýylady
Onlaın-brıfıng barysynda qalalyq Jasyl ekonomıka basqarmasynyń basshysy Dıas Ahmetqalıev aıtyp ótkendeı, joldar men trotýarlar kúnine 2 ret jýylatyn bolady.
«Trotýarlar men joldar kúnine 2 ret óńdeledi. Zararsyzdandyrý quraldary adam aǵzasy úshin qaýipsiz. Barlyq jumyskerler maska, kózildirik, qolǵap sııaqty quraldarmen qamtylǵan. Kóshelerdi tazalaýǵa 8 brıgada belgilendi. Ár brıgadada – 3 adamnan. Qazir bul brıgadalar qoqys jáshikterin óńdeýmen aınalysyp jatyr», - dedi ol.
Basqarma basshysynyń aıtýynsha, qalada kóshet otyrǵyzý jumystary keıinge shegerildi.
«Jappaı aǵash otyrǵyzý jumystary toqtatyldy. Al aǵashtardy maýsymdyq zııankesterden qorǵaý jumystary sáýirdiń sońynda bastalady», - dedi D.Ahmetqalıev.
Osy ýaqytqa deıin Qazaqstanda koronavırýske shaldyqqan 35 adam anyqtaldy. Onyń ishinde 17 jaǵdaı - Almatyda, 18 fakti - Nur-Sultanda tirkelip otyr.