Almatyda joldar men metro qurylysyna 50 mlrd teńgeden astam qarjy jumsalady
ALMATY. QazAqparat - Almatyda 2023 jyly joldar men metro salý jumystary jalǵasady, dep habarlaıdy QazAqparat tilshisi.
«Kelesi jyly metropolıten jelisin batys baǵytqa qaraı salý jalǵasady, oǵan 12,1 mlrd teńge bólý kózdelgen. Bul 2024 jyly qalanyń batys bóligindegi 50 myńnan astam turǵyn úshin qosymsha kólik baılanysyn qamtamasyz etedi. Sondaı-aq Tóle bı kóshesin uzartýǵa jalpy 11,7 mlrd teńge bólindi. Jubanov kóshesi de uzartylady. Qazir qujattar memlekettik saraptamadan ótip jatyr»,- dedi Erbolat Dosaev máslıhat sessııasynda.
Budan basqa, 2 kólik jolaıryǵyn aıaqtaý josparda. Atap aıtar bolsaq, Buqtyrma – Qulja kúre joly, Saın – Móńke bı kósheleri. Bul jumystarǵa bıýdjetten 6,2 mlrd teńge qarastyryldy.
«Kelesi jyly jol ınfraqurylymyna erekshe nazar aýdarylyp otyr. 200 km jolǵa ortasha jóndeý júrgiziledi, 30 km trotýar men 80 aıaldama alańy salynady. Ol úshin 20,8 mlrd teńge bólindi. Nátıjesinde, kelesi jyly jaqsy jáne qanaǵattanarlyq jaǵdaıdaǵy joldardyń úlesi 89% jetedi», - dedi ol.
Buǵan deıin Tóle bı kóshesin qala shekarasyna deıin uzartylatyny týraly jazǵan bolatynbyz.
