Almatyda joldan júgirip ótpek bolǵan áıelderdi kólik basyp ketti
ALMATY. QazAqparat - Almatyda ál-Farabı dańǵylyn kesip ótpek bolǵan eki áıel kólik astyna tústi, dep habarlaıdy QazAqparat tilshisi.
Jol apaty Rozybaqıev kóshesi men Ál-Farabı dańǵylynyń qıylysynda boldy.
Áıelder janarmaı beketine qarama-qarsy tyıym salynǵan tustan júgirip ótpek bolǵanda «Mıtsýbısı Padjero» kóliginiń astyna túsip qalǵan.
Oqıǵa ornyna jetken jedel járdem kóligi áıelderdiń birin aýrýhanaǵa alyp ketti. Ekinshisi alǵan jaraqattarynan sol jerde til tartpaı ketti.
Qazir bolǵan oqıǵany polıtsııa tekserip jatyr.
