Almatyda joldan ótý erejesin saqtamaǵan boıjetkendi avtobýs qaǵyp ketti
ALMATY. Tamyzdyń 3-i. QazAqparat /Erbol Azanbek/ - Almatyda 23 jasar qyz qoǵamdyq kólik dońǵalaǵynyń astyna túsip qaza tapty. Qaıǵyly oqıǵa kúndizgi saǵat 12. 30 shamasynda Naýryzbaı batyr men Qurmanǵazy kósheleriniń qıylysynda oryn aldy,
dep habarlaıdy qalalyq ІІD-niń baspasóz qyzmeti.
«105 baǵyttaǵy avtobýs Naýryzbaı batyr kóshesiniń boıymen ońtústik baǵytqa qaraı júrip kele jatyp, ótýge ruqsat etilmegen jerden joldy kesip ótpek bolǵan qyzdy qaǵyp ketken. Alaıda qandaı jaǵdaı bolmasyn, qoǵamdyq kólik júrgizýshisi saq bolýy kerek edi», deıdi jol polıtsııasy basqarmasynyń bastyǵy, polıtsııa polkovnıgi Arman Sarbasov. Onyń aıtýynsha, zardap shekken qyz 7-shi qalalyq aýrýhanaǵa jetkizilgen. Alaıda arada alty saǵat ótkende ol ishki aǵzalarynyń aýyr jaraqatynan kóz jumǵan.
Arman Sarbasovtyń aıtýynsha, bul qoǵamdyq kóliktiń qatysýymen oryn alǵan qaladaǵy ekinshi adam ólimi. Esterińizge sala keteıik, osydan birneshe kún buryn 6 jasar bala avtobýs astynda qalyp mert bolǵan edi.
